Pages

Friday, May 11, 2012

திருமண சட்ட திருத்தம் தேவையா ?


          “ மனைவி விவாகரத்து கோரினால் கணவன் எதிர்த்தாலும் மனைவிக்கு  உடனே விவாகரத்து வழங்கப்படும். அத்துடன் கணவனின் சொத்தில் மனைவிக்கு சரி பாதி உரிமையுண்டு. ஆனால், அதே காரணத்திற்காக கணவன் விவாகரத்து கோரும் பொழுது மனைவி மறுத்தால் கணவனுக்கு விவாகரத்து மறுக்கப்படும். ஒருவேலை மனைவியின் ஒப்புதலுடன் கணவனுக்கு விவாகரத்து கிடைத்தாலும் மனைவியின் சொத்திலிருந்து கணவனுக்கு  எந்த உரிமையும் இல்லை “ இதுவே அந்த  சம நீதி இல்லாத  திருமண சட்ட திருத்தத்தின் சாரமாகும்.

           திருமணத்திற்கு முன் ஒரு ஆண் தன்னை மட்டும் காத்துக்கொண்டால் போதும் என்ற நிலையில் அவனது வாழ்க்கை சிறகை விரித்த பறவையை போல தென்றலில் இலகுவாக மிதந்து செல்லும். ஆண்களை விட பெண்களே காம இச்சை அதிகம் படைத்தவர்கள் என்பதால் ஒட்டுமொத்த ஆண் இனமும் திருமணத்தை தவிர்த்துவிட்டாலே ஆண்களுக்கு காம இன்பம் வழிய வந்து எளிதில் இலவசமாக கிடைக்கும்.

          ஆனாலும் ஆண் திருமணம் என்னும் பெயரில் குடும்ப பாரத்தை தாங்கும் சுமை தாங்கியாக மாறி, தன் சுதந்திரத்தை தியாகம் செய்யும் பாதையை தானாக தேர்ந்தெடுத்து கொண்டதன் நோக்கம் நற்பண்புள்ள, நல்லொழுக்க பெண் தெய்வங்களை பாதுகாக்கவும், மனித வாழ்க்கை இலக்கில்லாமல் பயணித்து சமூகம் ஒழுக்கம் கெட்டு சீரழிவதை தடுத்து, சமூகத்தை சீரான அறநெறி பாதையில் வழிநடத்தவும் தான்.

          கடலின் சீற்றத்தில் இலக்கில்லாமல் தத்தளித்து கொண்டிருந்த மரங்களை போல, ஆதி காலத்தில் வாழ்வின் அலைகளில் இலக்கில்லாமல் தத்தளித்து கொண்டிருந்த பெண் இனத்தை படகு என்னும் குடும்பமாக மாற்றி, அந்த படகு பாதுகாப்பாக சென்று சேர வேண்டிய பாதையையும், இலக்கையும் நிர்ணயித்து, அந்த படகை இயக்கும் படகோட்டியாக ஆண்கள் தங்களை தாங்களே நியமித்து கொண்டு, தனக்கு உதவும் துடுப்புகளாக குழந்தைகளை பெற்று பிறவி பெருங்கடலை கடக்க ஆண் முயன்றான்.

        ஆண் தன்னந்தனியாக நீந்தி பிரவிகடலை கடக்க திறனிருந்தும், படகையும் பாதுகாப்பாக கொண்டு சேர்க்க வேண்டிய பொறுப்பை தானே ஏற்று படகோட்டி பதவியை ஏற்கும் நிலையில், அதாவது ஒரு பெண்ணுக்காக குடும்பம் என்னும் அமைப்பை ஏற்படுத்தி, அந்த குடும்பத்திற்கு பாதுகாப்பான பயணத்தை உண்டாக்கி தரும் பொறுப்பை வழிய வந்து தானே ஏற்றிருக்கும் ஒரு பெண்ணின் கணவனை, அந்த பெண் நன்றி உணர்வுடன் போற்றியும், அவனது மனம் வருந்தும் சூழலை உண்டாக்காமலும், தன்னை பாதுகாக்க வந்தவனின் வேலைபளு குறையுமளவுக்கு அவனுக்கு உதவும் மூன்றாவது கையாகவும் இருக்க வேண்டும்.

      ஆயுதம் ஏந்திய வெள்ளையனையே அஹிம்சை என்னும் ஆயுதத்தால் மண்டியிட வைக்க முடியும் என்னும்போது, அபாயகரமான மனநோயாளியானாலும் அனுசரணையான அணுகுமுறையால் சாந்தமடைய செய்ய முடியும் என்னும் போது, தன்னை பாதுகாக்கும் பொறுப்பில் உள்ள தனது கணவன்  எப்படிப்பட்ட காட்டு மிராண்டியானாலும் அன்பு என்னும் ஆயுதத்தால் அவனை சரணடைய வைத்து தன்னை பாதுகாப்பவனாக மாற்ற முடியும் என்னும் போது, அதனை செய்ய தவறி “ தான் “ என்ற ஆணவத்துடன் தன்னை பாதுகாக்க வந்தவனுக்கே தொல்லை கொடுப்பது மகா பாதக செயல் என்று  பெண்கள் உணர்ந்திருக்க  வேண்டும்.

    ஆனால்,

        பண்பற்ற பெண்களோ, தன்னை அழகு பதுமை என்றும், தன்னை அனுபவிக்கும் நுகர்வோனாக தன் கணவனை கருதியும் அதற்க்கான கட்டணமாக தன் கணவனாகிய நுகர்வோன் தன்னை பராமரிக்கும் பல்வேறு பொறுப்புகளை நிறைவேற்றும் கடமை பட்டவன் என்றும், தங்கள் இருவருக்கும் உள்ள உறவு காமத்தை தவிர வேறு எதுவும் இல்லை என்பதை போலவும், தன் கணவனாகிய நுகர்வோனுக்கு தன்னை கட்டுப்படுத்தவோ, தான் செய்யும் தவறை தட்டிக்கேட்கவோ, தண்டிக்கவோ, எந்த உரிமையும் இல்லை என்றும், மீறினால் குடும்ப வன்முறை சட்டத்தால்  தண்டிக்கப்படுவான் என்றும் தன் கணவனை மிரட்டி வருகின்றனர்.

      தியாகத்தை முதலீடாக கொண்டு உருவாக்கப்பட்ட புனிதமான குடும்ப அமைப்புகளை ஊழல்வாதிகள் இன்று சட்டப்படியான விபச்சார அமைப்பாக மாற்றியிருக்கிறார்கள்.

      தாங்கள் போகும் பாதை எங்கு முடியும் என்பதை அறியாமல் பயணிக்கும் ஐந்தறிவு படைத்த பெண்ணுரிமைவாத பெண்களுக்கு “ ஆண்கள் தங்கள் சுதந்திரத்தை பற்றி யோசித்தால்,தங்களுக்கு தாங்களே விதித்துக்கொண்ட கட்டுப்பாடுகளை தூக்கி எரிந்து, தங்களை மட்டுமே காத்துக்கொள்ளும் சுயநலத்தை எண்ணினால், ஒட்டுமொத்த ஆண் பெண் மனித உறவுகளும் மீண்டும் கர்காலத்திர்க்கே செல்லவேண்டியிருக்கும் “ என்று எச்சரிக்க வேண்டியுள்ளது.

           உங்களையும் சேர்த்து 101 மனிதர்கள் உள்ள ஒரு கூடத்தில் ஒரே நுழைவாயில் உள்ளது என கொள்வோம், அக்கூடம் தீப்பற்றி கொள்கிறது எனவும் வைத்துக்கொள்வோம். அத்தனை பேரும் பொது நல உள்ளமுடன், தன்னை விட மற்றவர்களே காப்பாற்றப்பட வேண்டும் என்ற எண்ணம் கொண்டவர்கள் என்றால் ஒருவனே மற்ற அணைவரும் தப்பிக்க ஏதுவாக கூடத்தில் மேலும் நுழைவாயிலை ஏற்படுத்த அக்கூடத்தை உடைப்பான். இவனை போன்றே அணைவரும் தன்னை விட மற்றவர்கள் தப்பிக்கவே எண்ணம் கொண்டு இருப்பதால் மேலும் நுழைவாயிலை ஏற்படுத்த ஒரே சமயத்தில் அணைவரும் கூடத்தை உடைப்பர். அப்பொழுது எந்த ஒரு தனி மனிதரை எடுத்துக்கொண்டாலும் அவருக்காக மற்ற 200 கைகள் உழைத்துக் கொண்டிருக்கும்.

           மாறாக, அத்துணை பேரும் சுயநலம் கொண்டு, தான் மட்டும் வெளியேறவேண்டும் என்று எண்ணி, இருக்கும் ஒரே நுழைவாயிலில் செல்ல ஒவ்வொருவரும் ஒரே சமயத்தில் முற்படும் பொழுது தனக்கு உதவ தனது இரண்டு கைகள் மட்டும் இருப்பதோடு மட்டுமல்லாமல், ஒவ்வொரு இரண்டு கைகளும் மற்ற 200 கைகளை எதிர்த்து போரிடவேண்டும். இரண்டு கைகள் 200 கைகளை எதிர்த்து போரிட முடியுமா ? அணைவரும் சாகவேண்டியது தான்.
  
           இந்த பொதுநல உணர்வு இன்று நாட்டில் எந்த மூலையில் இருக்கிறதோ நமக்கு தெரியாது. ஆனால் இந்த பொதுநல எண்ணம் உயிர்வாழ்ந்த ஒரே இடம் பண்பான குடும்பங்கள். இங்கே தான் இந்த எண்ணம் சமீப காலம் வரை காணப்பட்டது. தற்பொழுது பெண்ணிய வாதங்களால் பெண்ணிற்கு சுயநலம் மட்டுமே கற்பிக்கப்பட்டு, அந்த ஒரு இடமும் சுயநல சுடுகாடாகிகொண்டிருக்கிறது. இதற்க்கு போட்டியாக ஆண் தன் சுயநலம் பற்றி யோசிப்பதும், பிள்ளைகள் கேட்பாரற்று அனாதைகளாக விடப்படுவதும், இன்றைய இல்லங்கள் அனாதை இல்லங்களாக உருமாறுவதும் என்பதாக இன்று எதிர்காலமில்லாமல் வளரும் பிள்ளைகளால்  நாட்டின் எதிர்காலமும் இருண்ட காலமாக தெரிகிறது.

     
 உதாரணமாக,

,       சுயநலம் இல்லாமல் அன்போடு வாழும் ஒரு குடும்பத்தின் மொத்த வருமானம் மிகவும் சொற்பமே ஆனாலும் தன்னை விட குடும்பத்தில் உள்ள மற்றவர் நலமே முக்கியம் என வாழும் அன்பு  ஆத்மாக்கள் உள்ள குடும்பங்கள் ஆனந்த மணம் பரப்பும் நந்தவனமகவே எந்த சூழ்நிலையிலும் திகழும். இங்கு குடும்ப வருமானம் 1000 ரூபாய் மட்டுமே இருந்தாலும் கூட மகிழ்ச்சிக்கு பஞ்சமிருக்காது. சுயநல பேய்கள் வாழும் மயான குடும்பங்களில் வருமானம் 1,00,000 ரூபாய் இருந்தாலும் அங்கே நிம்மதி நிச்சயமாக இருக்கப்போவதில்லை.

       ஒற்றுமையான குடும்பத்திற்கும், ஒற்றுமையற்ற குடும்பத்திற்கும் உள்ள வித்தியாசமே நூறு மடங்கிற்கும் மேலாக உள்ளபோது குடும்பங்களில் தான்தோன்றி தனத்தை வளுக்கட்டாயமாக திணிக்கும் நமது தேசத்தின் சட்டமியற்றுவோர் நமது தேசத்தின் வருமானத்தை நூறு மடங்குக்கும் மேலாக பெருக்கும் வள்ளமை படைத்தவர்களா ? அமேரிக்கா தனது மக்களுக்கு தேவையான வளத்தை இந்தியா, ஈரான், ஈராக் முதலான அபளை தேசத்திலிருந்து கொல்லையடிக்கும் வள்ளமை பெற்றது. ஆனால் நமது ஆட்சியாளர்களோ நம் தமிழீழ சொந்தங்களுக்கு ஆறுதல் வார்த்தை கூறும் திறன் கூட  இல்லாதவர்கள் என்பது நமக்கு தெரியாதா ?

        புலியை பார்த்து சூடு போட்டு இறந்து போகும் பூனையை போல  நாம் நம் ஆட்சியாளர்களை நம்பி அமெரிக்க வாழ்க்கை முறையை பார்த்து சூடு போட்டு கெட்டழிந்து விடக்கூடாது.

        இதுநாள் வரையில் ஆண்கள் செய்யும் தவறை தட்டிக்கேட்கும் அருகதை பண்பான குடும்பப் பெண்களுக்கு மட்டுமே இருந்தது. தற்பொழுது அந்த அருகதை எவருக்கும் இல்லாத நிலை ஏற்பட்டுகொண்டிருக்கிறது.

           பெண்களின் தியாகத்தை, நல்லொழுக்கத்தை பார்த்து ஆண் சமூகம் திருந்தும் சூழலை நோக்கி சமூகம் செல்லாமல், ஆண்களை விட பெண்களே தீய செயல்களில் தேர்ந்தவர்களாக உருவாகும் சூழலையே சமூகம் சந்தித்து வருகிறது. 
  
               சமூகத்தில் அவரவர்களுக்குள்ள பொறுப்புகளையும், கடமைகளையும், கட்டுப்பாடுகளையும் உணர்ந்த நல்லொழுக்கம் கொண்ட ஆண்கள் மற்றும் பெண்களை மட்டுமே திருமண பந்தத்தில் செல்ல அனுமதிக்க வேண்டும். நல்லொழுக்கம், பண்பு கொண்ட குடும்பத்தில் வளரும் குழந்தைகளால் தான் எதிர்காலத்தில் நேர்மையான, பண்பான சமுதாயம் உருவாகும்.
     
                  தனக்காக இல்லாமல் குடும்பத்தில் உள்ள மற்றவருக்காக சேவை செய்யும் அன்பு எண்ணம் கொண்டோர் மட்டுமே திருமண வாழ்வில் நுழையவேண்டும். மற்றவர்கள், குடும்பம் என்னும் கோவிலை சாக்கடை ஆக்காமல் இருக்க அதனுள் செல்லாமல் இருப்பதே மிகச்சிறந்த தேசப்பணியாகும்.

                    நமது இந்திய திருநாட்டில் தீவிரவாதிகள் ஊடுருவி நாடு நாசமாவதை தடுக்க இராணுவம் தொடர் கண்காணிப்பில் உள்ளதை போல திருமணம்,குடும்பம் என்னும் புனித பந்தங்களுக்குள் தரம் கெட்ட ஆண்களும், பெண்களும் ஊடுருவி உறவுகளும், சமூகமும் சீரழிவதை தடுக்க பொறுப்புள்ள சமூக காவலர்கள் முன்வரவேண்டும்.

               மென்மையான பயிர்களால் நுட்பமாக பின்னப்பட்ட குருவிக்கூடு மென்மையான குருவிகள் குடியிருக்க மட்டுமே. நீளமான கால்களையும் பருத்த திமிளையும் உடைய ஒட்டகங்கள் இருக்க வேண்டிய இடம் பாலைவனங்கள் தான். 

                சுயநல எண்ணம் அறவே இல்லாத, அர்ப்பணிப்பு உணர்வு உள்ள, அன்பு ஆன்மாக்களை கொண்ட தெய்வங்களுக்காகவே குடும்பம் என்னும் கோவில் இருக்க வேண்டும். பெண்ணிய வாதங்களால் சுயநலம் மட்டுமே போதிக்கப்பட்டு உருவாக்கப்படும் சுயநல காம பெண் பேய்களும், பெண் பித்து பிடித்து பெண்ணிய வாதங்களை போலியாக ஜபித்துக்கொண்டிருக்கும் ஆண் குள்ளநரிகளும் குடிகொள்ள வேண்டிய இடம் நடன கிளப்களும், மதுபான பார்களும், விபச்சார விடுதிகளும் தான்.

                 திமிரெடுத்த ஒட்டகம் மென்மையான குருவிக்கூட்டுக்குள் நுழைய அனுமதிப்பதே தவறு. இவர்கள் குருவிக்கூட்டை உடைப்பதற்கு சட்டம் வேறு துணையா ? அப்படியானால் மென்மையான குருவிகளுக்கு இந்த மண்ணில் கூடுகளே இல்லாமல் போய்விடுமே !!! இந்த மண்ணில் நல்லொழுக்க ஆத்மாக்களுக்கு எந்த நாதிகளுமே இல்லையா ?

               இந்த சமூக நீதி இல்லாத  சட்டத்தை கொண்டுவருவோர் இந்த மண்ணை சார்ந்தவர்களா ? அல்லது அந்நிய நாட்டின் கைக்கூலிகளா ?

              தனது சுயநலனுக்காக பெண்ணுரிமை என்னும் பெயரில் சமூகத்தை சீரழிக்க துணிந்து, அந்நியனின் கைப்பாவையாகி, எட்டப்பன் வேலைகளை செய்யும் தேச துரோகிகளை இன்னுமா நமக்கு அடையாளம் தெரியவில்லை ?

             மக்களாட்சி நடக்கும் நமது தேசத்தின் மக்கள்  இந்த எட்டப்ப பரம்பரையின் வாரிசுகளை ஒழிக்காவிட்டால் இதன் பின்விளைவுகளுக்கான அணைத்து பொறுப்புகளையும் நாமே ஏற்றாகவேண்டும். மக்கள் புரட்சி வெடித்தால் மட்டுமே அதற்கு தீர்வு காண முடியும். இதுவே காலத்தின் கட்டாயமாகும்.


நாட்டில் நடக்கும் அநியாயங்கள் தீயவர்களின் செயல்களால் நடப்பதில்லை, நல்லவர்களின் மௌனத்தால் தான் நடக்கிறது.

                                       -மார்ட்டின் லூதர்


No comments:

Post a Comment